सिरहा,कार्तिक ११ गते । सिरहास्थित मिर्चैया प्रहरीले केही दिन अघि कर्जन्हाबाट बरामद गरेको करिव पैंतिस लाख मुल्य बराबरको पाँच क्वीन्टल गाँजा सम्बन्धित व्यक्तिहरुको उपस्थितिमा आज नष्ट गरेको छ । 

विशेष सुराकीको आधारमा प्रहरीले भदौ २१ र २३ गते ३३ वटा पोकामा रहेको उक्त गाँजा कर्जन्हा नगरपालिका वडा नंं. ११ स्कुल टोलको एक घरबाट बरामद गरेको थियो । गाँजासहित ४ जनालाई समेत प्रहरीले नियन्त्रणमा लिएको थियो ।

आइतबार सोही गाँजा प्रहरीले मिर्चैया नगरपालिका ७ स्थित जीवा खोलामा अदालत, जिल्ला प्रशासन र स्थानीय तहका जनप्रतिनिधिको रोहबरमा कानुनी प्रक्रिया पुर्याएर गाँजा नष्ट गरिएको प्रहरीले जनाएको छ ।

 बरामद गरेको गाँजा र पक्राउ परेकाहरुको थप अनुसन्धान भइरहेको इलाका प्रहरी कार्यालय मिर्चैयाले जानकारी दिएको छ ।