‘विश्वविद्यालयमा मदन भण्डारी फाउण्डेसनलाई नजोडौं’ ‘विश्वविद्यालयमा मदन भण्डारी फाउण्डेसनलाई नजोडौं’

  • अनुभक्त चौधरी
  • प्रकाशित मिति: फाल्गुन 5, 2076
  • 59 पटक पढिएको

सिरहा,फाल्गुन ५ गते ।

मदन भण्डारी विज्ञान तथा प्रविधि विश्वविद्यालयमा मदन भण्डारी फाउण्डेसनलाई जोड्ने सरकारी प्रस्तावमा सांसदहरुले आपत्ति जनाएका छन् ।

विधेयकमाथिको दफावार छलफलमा भाग लिँदै सांसदहरुले ‘एनजीओ’ को रुपमा रहेको फाउण्डेसनलाई विश्वविद्यालयमा भूमिका दिँदा गलत नजीर बस्ने र अन्य विश्वविद्यालयमा पनि प्रभाव पर्ने बताएका हुन् । ‘जीपी कोइरालाको नाममा कलेज बनाउने र मदन भण्डारी फाउण्डेसनलाई जस्तै अधिकार चाहियो भन्यो भने के गर्ने ?’ प्रमुख विपक्षी कांग्रेसका सांसद गगन थापाको सरकारलाई प्रश्न छ ।

सरकारले विश्वविद्यालयको संरक्षक समितिमा मदन भण्डारी फाउण्डेशनको अध्यक्ष वा अध्यक्षले तोकेको दुई जना सदस्य रहने गरी विधेयक ल्याएको छ । संरक्षक समितिलाई विश्वविद्यालयको बजेट तथा कार्यक्रम स्वीकृत गर्नेदेखि विश्वविद्यालयका पदाधिकारीलाई कारबाही गर्ने अधिकार दिने प्रस्ताव गरेको छ ।

यो प्रस्तावित व्यवस्था पुरै हटाउन सांसदहरु थापा, विरोध खतिवडा, उमेश श्रेष्ठ, कृष्ण राई, बिन्दा पाण्डे, मानबहादुर विश्वकर्मालगायतले माग गरे । ‘म आफै मदन भण्डारी फाउण्डेसनको केन्द्रीय सदस्य छु । मैले सोची बिचारी नै विश्वविद्यालयमा फाउण्डेसनलाई जोड्न हुन्न भनेको हुँ’ समिति बैठकमा सांसद राईले भने ।

सांसद तेजुलाल चौधरीले फाउण्डेसनका व्यक्ति रहने भन्ने व्यवस्थाको सट्टा प्राज्ञिक क्षेत्रबाट महिलासहित समावेशी सहभागिता रहने व्यवस्था गर्न प्रस्ताव गरे ।

तत्कालीन एमाले महासचिव मदन भण्डारीको नाममा खोलिएको फाउण्डेसनको संरक्षक भण्डारी पत्नी एवं राष्ट्रपति विद्या भण्डारी र अध्यक्ष भण्डारीकी छोरी उशाकिरण भण्डारी छन् ।

संरक्षक समितिको प्रावधानमै प्रश्न

सांसदहरुले विश्वविद्यालयमा रहने प्रस्तावित संरक्षक समितिको व्यवस्थामै प्रश्न उठाएका छन् ।

नेपाली कांग्रेसका सांसद भरतकुमार शाहले विश्वविद्यालयमा कुलपति रहने व्यवस्था नेपाली पाराको र नेपालीपन भएको बताए ।

‘सेनामा महारथी भने जस्तै विश्वविद्यालयमा कुलपति, उपकुलपित, रजिष्टार नेपालीपन, नेपाली मौलिक शब्द हुन् । अध्यक्ष उपाध्यक्ष जस्ता शब्द आयातित शब्द हुन् । नेपालीपनलाई महत्व दिनुपर्छ’ सांसद शाहले भने ।

विश्वविद्यालयको सर्वोच्च निकायका रूपमा संरक्षक समिति रहने र कार्यकारी प्रमुखको हैसियतमा संरक्षक समितिले अध्यक्ष नियुक्ति गर्ने प्रस्तावित व्यवस्था छ । प्रस्तावित संगठन संरचना अनुसार संरक्षक समितिसँगै प्राज्ञिक र कार्यकारी परिषद् हुनेछन् ।

दफा ७ को उपदफा ३ बमोजिम संरक्षक समिति सुरुमा चार सदस्यीय मात्र हुनेछ । शिक्षा विज्ञान तथा प्रविधि मन्त्रालयका सहसचिव र विश्वविद्यालय अनुदान आयोगका प्रतिनिधि सदस्य हुनेछन् भने बाँकी दुई जना मदन भण्डारी फाउन्डेसनका अध्यक्ष र उनले तोकेका व्यक्ति हुनेछन् । चार जनाले संरक्षक समितिमा रहने अन्य १३ जना सदस्य मनोनयन गर्नेछ ।

यो ऐन प्रारम्भ भएपछि पहिलो पटकका लागि भने सदस्यहरुको मनोनयन सरकारले गर्ने र त्यसका लागि छुट्टै सिफारिस समिति गठन गर्ने प्रस्ताव विधेयकको दफा ७ कै उपदफा ७ मा छ ।

फ्याकल्टीमा पनि विवाद

विज्ञान तथा प्रविधि विश्वविद्यालयमा मानविकी, तथा समाजशास्त्र, व्यवस्थापन, कानुन र न्यालगायतका विषयमा पनि पढाइ हुने प्रस्तावित व्यवस्था छ ।

कतिपय सांसदले नाम अनुसारको पढाइ हुनुपर्ने भन्दै विज्ञान तथा प्रविधिबाहेकका विषय हटाउन माग गरेका छन् ।

शिक्षा विज्ञान तथा प्रविधिमन्त्री गिरिराजमणि पोखरेलले पनि विज्ञान तथा प्रविधिमै केन्द्रित भएर जाने सरकारको सोच रहेको बताउँदै आएका छन् । तर सांसदहरुले माग गरेजस्तो मानविकी, तथा समाजशास्त्र, व्यवस्थापन, कानुन जस्ता विषयलाई हटाउने विषयमा ठोस केही भनेका छैनन् ।

शिक्षामन्त्री पोखरेलले मागे तीन दिन

विश्वविद्यालयलाई मदन भण्डारी फाउण्डेसनसँग जोड्ने कि नजोड्ने, संरक्षक समितिको प्रावधानमा पुनर्विचार गर्न सकिन्छ कि सकिँदैन ? विश्वविद्यालयले विज्ञान तथा प्रविधि मात्रै पढाउने कि अरु पनि ? भन्ने विषयमा सांसदहरुले सरकारको धारणा माग गर्दै आएका छन् ।

समिति सभापति जयपुरी घर्तीले समेत यसमा प्रष्ट नभइ विधेयकमा छलफल गर्न गाह्रो भएको बताएपछि शिक्ष मन्त्री पोखरेलले तीन दिनको समय मागेका छन् ।

‘भोलि र पर्सि मन्त्रालयस्तरमा र कानुन मन्त्रालयसँग समेत छलफल गरेर माननीयहरुले राखेका विषयमा कसरी जान सकिन्छ भनेर आगामी ८ गतेको बैठकमा सरकारको धारणा राख्ने प्रतिवद्धता व्यक्त गर्न चाहन्छु’ सोमबारको शिक्षा तथा स्वास्थ्य समितिमा शिक्षामन्त्री पाखेरलले भने ।

शिक्षामन्त्रीले समय माग गरेपछि सोमबारको समिति बैठक स्थगित भएको छ ।

अर्को सूचना जारी नभएसम्मका लागि बैठक स्थगित भएको समिति सभापति घर्तीले जानकारी गराइन् ।

अनलाईन खवर


नरहा गाउँपालिकालाई डिप्रोक्स लघुवित्त वित्तीय संस्थाद्धारा राहत खाद्यान्न सामग्री हस्तान्तरण

सिरहा,जेठ २१ गते । नरहा गाउँपालिका वडा नं.३ लाई डिप्रोक्स लघुवित्त वित्तीय संस्थाद्धारा राहत खाद्यान्न स

सिरहामा १७ जना संक्रमित थपिएसँगै संक्रमितको संख्या ४७ पुग्यो

सिरहा,जेठ २० गते । सिरहा नगरपालिकाको सिरहा सदरमुकाम स्थित रहेको श्री सूर्यनारायण सत्यनारायण मोरबैता याद

एभीन्यूजले प्रेस काउन्सिललाई टेरेन, स्पष्टिकरण नदिएपछि ताकेता पत्र काटियो

 सिरहा ,जेठ१७ गते । । एभीन्यूज टिभीको नाममा प्रेस काउन्सिल नेपालले ताकेता पत्र काटेको छ । एभीन्यूजले झा ब

जय गणेश मिडिया प्रा.लि. धनगढीमाई–५, सिरहा द्वारा संचालित

हाम्रो टिम

प्रवन्ध निर्देशक

सन्तोष कुमार साह


प्रधान सम्पादक

हिरा लाल चौधरी


सम्पादक

श्याम सुन्दर साह

 

बिशेष सम्वाददाता

गणेश कुमार ठाकुर

नरेश चन्द्र बरबरिया


विज्ञापनको लागी

महेश प्रसाद चौधरी

सम्पर्क

धनगढीमाई–५, सिरहा, नेपाल

९८०१५१३००४, ९८५२८३३२०४

संस्था दर्ता नं.

सूचना विभाग दर्ता नं. ८८८/२०७५/०७६

प्रेस काउन्सिल दर्ता नं.: २२११/२०७४/०७५

कम्पनी दर्ता नं.: १५११५३/२०७२/०७३

पना नं.: ६०४२७८२५२