सिरहामा घाईते अवस्थामा भटियो लोपोन्मुख गिद्द

सिरहा,माघ २० गते । सिरहाको सखुवानन्कारकट्टी गाउँपालिकास्थित महेशपुरमा आज विहान घाईते अवस्थामा लोपोन्मुख एउटा गिद्द फेला परेको छ ।
घाईते अवस्थामा नेपाल प्रहरीले फेला पारेको गिद्द डिभिजन वन कार्यालय लहान सिरहालाई बुझाईएको छ ।
गम्भीर घाईते अवस्थामा भेटिएको गिद्दलाई डिभिजन वन कार्यालय सिरहामा राखिएको र औधषी उपचार गरिने डिभिजनल वन अधिकृत सूभाष चन्द्र दासले बताउनुभयो ।
सो गिद्द के कसरी घाईते भएको हो र कहाँबाट आएको हो भन्ने खुल्ल नसकेपनि विजुलीको तारमा करेन्ट लागेर घाईते भएको हुन सक्ने स्थानीयहरुले अनुमान गरेका छन् ।
लोपोन्मुख हुन लागेको गिद्द धेरै दिन पश्चात् देखापरेपछि गिद्द हेर्न वन कार्यालयमा घुईचो नै लागेको प्रमुख दासले बताउनुभयो ।

---