काँग्रेस केन्द्रीय समिति बैठकः पुस ११ गते भएका यी निर्णय सच्याइँदै काँग्रेस केन्द्रीय समिति बैठकः पुस ११ गते भएका यी निर्णय सच्याइँदै

  • अनुभक्त चौधरी
  • प्रकाशित मिति: माघ 13, 2076
  • 172 पटक पढिएको

सिरहा, माघ १३ गते । नेपाली काँग्रेस केन्द्रीय समिति बैठक सोमबार दिउँसो १ बजे पार्टी कार्यालय सानेपामा बस्दैछ ।
बैठकमा शुक्रबार शीर्ष नेताहरुबीच भएको सहमति अनुसार एजेण्डा तय गरिएको प्रवक्ता विश्वप्रकाश शर्माले रातोपाटीलाई जानकारी दिए ।

सभापति शेरबहादुर देउवा निवासमा शुक्रबार शीर्ष नेताहरुबीच भएको छलफलमा महाधिवेशन तोकिएकै समयमा गर्ने र तल्ला तहको अधिवेशनको मिति केही हेरफेर गर्ने सहमति भएको छ ।

नेताहरुबीच सभापति देउवाको प्रस्तावमा बढाइएका विभागहरुका विषयमा पनि सहमति जुटेको छ ।

गत पुस ११ मा केन्द्रीय समिति बैठकले बहुमतका आधारमा गरेको निर्णय अनुसार काँग्रेसभित्र ४७ वटा विभाग राख्ने निर्णय यथावत् रहनेछ । ११ पुसमा भएका निर्णयमा हेरफेर हुने विषय आजको बैठकको एजेण्डा भएको शर्माको भनाई छ ।

उनले भने, ‘शीर्ष नेताहरुबीच शुक्रबार भएको सहमति अनुसार महाधिवेशनको तिथि मिति नसर्के गरी अरु केही विषयमा हेरफेर हुन्छ । जुन विषय सच्याउनु पर्दैन, त्यो विषय फेरी आज बैठकमा प्रवेश हुँदैन । पुस ११ गतेको निर्णय यथावत रहन्छ ।’

तर संस्थापन इतर पक्षले केन्द्रीय महाधिवेशन विषयमा एकलौटी निर्णय भएको भन्दै त्यही मितिमै भएपनि सहमतिबाट केन्द्रीय समितिले निर्णय लिनु पर्ने बताउँदै आएका थिए । गत मंसिर देखि केन्द्रीय समिति बैठकमा अनपस्थिति संस्थापन इतर पक्ष पनि आजको बैठकमा सहभागी हुनेछ । आजको बैठकमा महाधिवेशन गर्ने मिति यतावत् राखेर तल्लतो तह कार्यतालि र कार्यविधिको संशोधन प्रस्ताव पेश हुनेछ।

शुक्रबार बसेको शीर्ष नेताले बैठकले महाधिवेशनको कार्यतालिका र कार्यविधि परिमार्जन गरी प्रस्ताव पेश गर्न महामन्त्रीद्वय डा। शशांक कोइराला र पूर्णबहादुर खड्का साथै नेताहरु रमेश लेखक र मिनेन्द्र रिजाल लाई जिम्मेवारी दिएको थियो।

काँग्रेसमा भदौमा स्थानीय अधिवेशन गर्ने गरी कार्यतालिका संशोधनको तयारी भएको छ ।

११ पुसमा बसेको केन्द्रीय समिति बैठकले ०७७ मंसिरमा स्थानीय अधिवेशन गर्ने गरी कार्यतालिका ल्याएको थियो ।

विधानका दफा निलम्बनको निर्णय पनि हेरफेर हुने छ । तर केन्द्र र प्रदेश अधिवेशन हुनु एक वर्षअघि नै स्थानीय तहका सबै अधिवेशन सम्पन्न गर्नुपर्छ भन्ने विधानको उक्त प्रावधान निलम्बन भने यथावत रहनेछ ।

आजको बैठकमा १३ औँ महाधिवेशनको सदर क्रियाशील सदस्यताको नामावलीको हार्ड र सफ्ट कपी उपलब्ध गराउनुपर्ने पौडेल पक्षको सुनाइ हुने भएको छ । रातो पाटी


सशस्त्र प्रहरी निरीक्षक कटवालको टोलिद्वारा १६ लाखभन्दा बढीको सुन बरामद

जनकपुरधाम। सशस्त्र प्रहरीले जनकपुरधाम ७ भमरपुरा चौकबाट १६ लाखभन्दा बढी मूल्य बराबरको सुन सहित एक जनालाई

अधिकांश गायक-गायिका तथा कलाकारलाई चिटिक्क बनाउँदै :जुरी ठाकुर’

नेपालमा चलेका कलाकारहरू हेयर डिजाइनका लागि कहाँ जान्छन् होला ? धेरैले अनुमान गर्लान्, ‘ठूला सुविध

गाउँ टोलमा समुदायिक भवन निर्माण अपरिहार्य: नेता बरबरिया

जनकपुरधाम । नेपाल कम्यूनिष्ट पार्टीका केन्द्रीय सदस्य एवम् धनुषा जिल्ला ईन्चार्ज श्रवण कुमार बरबरिया

जय गणेश मिडिया प्रा.लि. धनगढीमाई–५, सिरहा द्वारा संचालित

हाम्रो टिम

प्रवन्ध निर्देशक

सन्तोष कुमार साह


प्रधान सम्पादक

हिरा लाल चौधरी


सम्पादक

श्याम सुन्दर साह

 

बिशेष सम्वाददाता

गणेश कुमार ठाकुर

नरेश चन्द्र बरबरिया


विज्ञापनको लागी

महेश प्रसाद चौधरी

सम्पर्क

धनगढीमाई–५, सिरहा, नेपाल

९८०१५१३००४, ९८५२८३३२०४

संस्था दर्ता नं.

सूचना विभाग दर्ता नं. ८८८/२०७५/०७६

प्रेस काउन्सिल दर्ता नं.: २२११/२०७४/०७५

कम्पनी दर्ता नं.: १५११५३/२०७२/०७३

पना नं.: ६०४२७८२५२