खोलाको खानेपानी पिउन बाध्य भए मुसहर समुदाय

  • गणेश कुमार शर्मा
  • प्रकाशित मिति: जेठ 20, 2076
  • 418 पटक पढिएको

सिरहा,जेठ २० गते । सिरहाको मिर्चैया नगरपालीका वडा नं.९ स्थित रहेको बतहा खोलाको पानि पिउन मुसहर समुदाय लाई बाध्यता रहेको छ । त्यही खोलाको किनारमा ६० घर परिवार मुसहर समुदायको बस्ति रहेको छ । यही बस्तिका २ सयको हाराहारीमा रहेका मुसहर समुदाय त्यही बताहा खोलाको धमिलो पानि पिउन बाध्यता रहेको छ ।

मुसहर समुदाय दलित समुदाय भित्र पनि बिपन्न वर्ग भित्र पर्छन् । शुद्ध पीउने पानीको सुविधा नहँुदा यहाँका मुसहर समुदायका पुस्ता देखि बताहा खोलाको पानिमा निर्भर छन् । बस्तिकै ७० वर्षिय विल्टु मुसहरले आफ्ना समुदायका पुस्ता देखि बताहा खोलाको फोहोर पानी खाँदै आएको बताउनु भयो । उहाँले भन्नुभयो, ‘मेरो बाजेहरुले पनि यही खोलाको पानी पिउँथे अहिले मेरा नातीलाई पनि यही पानीको भर छ । मिर्चैया नगरपालीका वडा नं.९का करिब ३६ वर्षियका रामबाबु सदाले भने , धमिलो र फोहर खोलाको पानी पिउँदा हामीलाई धेरै पटक विभिन्न खालको स्वास्थ्य समस्या आई रहेको छ । वर्षाको वेलामा त खाने पानीको झनै समस्या हुने गरेको गाउँलेहरुले बताए ।

वर्षा भएपछि खोलामा धमिलो बाढी बग्छ । बाढी रोकिएपछि किनारमा कुवा खनेर खानेपानीको गर्जो टार्नु पर्ने उनिहरुको बाध्यता छ । स्थानिय ४५ वर्षिय रामनारायण मुसहरले सुनाउनु भयो, ‘अविरल बर्षा हुँदा बाढी रोकिदैन, त्यतीबेला भने हामी पानीनै खान पाउँदैनौँ , धेरै प्यास लागे खोलाकै धमिलो पानी खान बाध्य हुन्छौँ । सिरहा क्षेत्र नं. ४ मा पर्ने यस क्षेत्रबाट पूर्व प्रधानमन्त्री तथा नेकपा अध्यक्ष पुष्पकमल दहालले तत्कालिन दोस्रो सविंधानसभा सदस्यको चुनाव जित्नु भयएको थियो । स्थानिय निकायको चुनाव पछि सिहंदरवार गाउँमै आउँछ भनेर नेताहरुबाट सुनेका उहाँहरुलाई स्थानिय सरकारले समेत बेवास्ता गरेको छ ।

जुनसुकै व्यवस्था आएपनि हामी गरिबलाई कसैले हेरेन, पानी समेत शुद्ध खान पाएका छैनौं । ‘हामी दलित नेताको भोट बैकं मात्र भयौँ , स्थानिय सरकारबाट हामी दलितले सामान्य सुविधा पनि पाउन सकिरहेका छैनौं’, विल्टु मुसहरले दुखेसो पोख्दै भयो । यहाँका दलितहरुले स्थानिय नेताहरुलाई पानीको लागि पटक पटक गुहारे पनि कुनै सुनवाई भएको छैन । दलितका नाममा खुलेका दर्जनौ सघँसँस्थाले पनि उनिहरुको समस्यामा ध्यान दिएका छैनन् । गाउँका सबैजसो अरुकोमा ज्याला मजदुरी गरेर दैनिक गर्जो टार्ने गर्छन् । ज्यालामजदुरीले जीविका चलाईरहेका उनिहरु आफ्नै प्रयासले खाने पानीको जोहो गर्न सक्दैनन् । ‘

पानीको लागि इनार (कुवा), धारा बनाउन धेरै रकम खर्चिनु पर्ने भएकोले हाम्रो बुताले भ्याउँदैन, अरु कसैले बनाई पनि दिएनन,’ रामबाु सदायले भन्नुभयो । यो बारे मा कुरा गर्दा मिर्चैया नगरपालिका ९ वडाध्यक्ष मोहन पोखरेलले आफूसँग ठूलो बजेट नभएकोले यहाँका दलित समुदायको खानेपानीको ब्यवस्थागर्न नसकेको स्विकारे । वडाध्यक्ष पोखरेलले भन्नुभयो, ६० घर दलितलाई खानेपानीको प्रवन्ध मिलाउन बजेट धेरै चाहिने भएकाले नगरसँग गुहार मागेपनि कुनै सुनवाई भएको छैन । थोरै बजेटले त्यहाँको पानीको समस्या समाधान गर्नौ सकिन्न ।


एक दिने नोवेल कोरोना भाइरस संक्रमण रोकथाम सम्बन्धी अभिमुखीकरण कार्यक्रम सम्पन्नः लक्षणहरु ?

गणेश कुमार ठाकुरसिरहा,फागुन ९ गते । सिरहा जिल्लाको मिर्चैया नगरपालिका स्वास्थ्य शाखाको आयोजनामा एक दिने

शुक्रवार देशभर सार्वजनिक विदा

सिरहा,फाल्गुन ८ गते । संघीय सरकारले महाशिवरात्रीको अवसरमा सार्वजनिक विदा दिने निर्णय गरेको छ । नेपाल सरक

विद्युत् महसुल समायोजन प्रस्ताव सार्वजनिक वर्षको अन्त्यसम्म नयाँ दर

सिरहा,फाल्गुन ८ गते । चैत मसान्तभित्र नयाँ विद्युत् महसुल दर निर्धारण गर्ने गरी विद्युुत् नियमन आयोगले प

जय गणेश मिडिया प्रा.लि. धनगढीमाई–५, सिरहा द्वारा संचालित

हाम्रो टिम

प्रवन्ध निर्देशक

सन्तोष कुमार साह


प्रधान सम्पादक

हिरा लाल चौधरी


सम्पादक

श्याम सुन्दर साह

 

बिशेष सम्वाददाता

गणेश कुमार ठाकुर

नरेश चन्द्र बरबरिया


विज्ञापनको लागी

महेश प्रसाद चौधरी

सम्पर्क

धनगढीमाई–५, सिरहा, नेपाल

९८०१५१३००४, ९८५२८३३२०४

संस्था दर्ता नं.

सूचना विभाग दर्ता नं. ८८८/२०७५/०७६

प्रेस काउन्सिल दर्ता नं.: २२११/२०७४/०७५

कम्पनी दर्ता नं.: १५११५३/२०७२/०७३

पना नं.: ६०४२७८२५२