इटहरी रङ्गशाला प्रादेशिक रङ्गशालाः मुख्यमन्त्री राई

  • Rakesh Singh
  • प्रकाशित मिति: भदौ 26, 2076
  • 43 पटक पढिएको

इटहरी, भदौ २६ गते। मुख्यमन्त्री शेरधन राईले इटहरी रङ्गशालालाई प्रादेशिक रङ्गशाला बनाउने तयारी थालेको बताएका छन् ।

इटहरीमा मङ्गलबारबाट शुरु भएको नवौं पुष्पलाल स्मृति राष्ट्रिय र्याङकिङ ब्याडमिन्टन प्रतियोगिताको उद्घाटन गर्दै मुख्यमन्त्री राईले यस्तो बताएका हुन् । मुख्यमन्त्री राईले इटहरी रङ्गशाला परिसरमा विभिन्न १२ वटा खेलकुदका प्रतियोगिता गर्न सक्ने भौतिक संरचना निर्माणको क्रममा रहेको बताए । एक नम्बर प्रदेश खेलाडी उत्पादनको उर्वरभूमि भएकाले खेलकुद क्षेत्रको विकासका लागि यस वर्ष ४२ करोड बजेट छुट्याएको मुख्यमन्त्री राईले बताए ।

कार्यक्रममा प्रदेश एकका सामाजिक विकास मन्त्री जीवन घिमिरेले प्रदेश एकका सबै जिल्ला र १ सय ३७ पालिकामा खेल मैदान बनाउन प्रदेश सरकारले शुरु गरिसकेको बताए । राष्ट्रिय खेलकुद परिषद्का निवर्तमान सदस्य सचिव केशवकुमार विष्टले भौतिक पूर्वाधारले पूर्ण सुविधायुक्त इटहरी रङ्गशाला परिसरको कभर्डहलमा सातौं साग गेमको ब्याडमिन्टन प्रतियोगिता गर्न माग गरे ।

राष्ट्रिय व्याडमिन्टन सङ्घ नेपालको आयोजना तथा सुनसरी व्याडमिन्टन एकेडेमी इटहरीको सहआयोजनामा शुरु प्रतियोगिता ५ दिनसम्म सञ्चालन हुनेछ । प्रतियोगितामा २ सय जनाले बेग्ला बेग्लै समूह अन्र्तगत प्रतिस्पर्धा गर्ने सुनसरी व्याडमिन्टन एकेडेमीका अध्यक्ष सुरेश कार्कीले जानकारी दिए ।

प्रतियोगितामा पुरुष सिङ्गल, डबल महिला सिङ्गल डबल, यु १७ युवा सिङ्गल, यु १७ महिला सिंगल र भेट्रान टिम विभाजन गरी प्रतिस्पर्धा गराइने कार्यक्रम संयोजक देवराज मादेनले बताए । सो अवसरमा इटहरी रङ्गशालास्थित व्याडमिन्टन कभर्डहलको पनि उद्घाटन गरिएको थियो ।


सामर्थ्य नेपाल अभियानद्वारा चितवनको एक विद्यालयलाई शैक्षिक सामग्री हस्तान्तरण

चितवन ,भाद्र ३१ गते । सामर्थ्य नेपाल अभियानद्वारा राष्ट्रिय बाल दिवसकाे अवसरमा चितवनको माडिमा शैक्षिक सा

उत्कर्षमा सिरहा कम्युनिष्टको संघर्ष

 राम रिझन यादव नेकपा (एमाले) र नेकपा (माआवादी केन्द्र) एकीकरण भएको करिव दुई वर्ष पुगिसक्दा पनि यसले एकीकृत

कृष्णनगर नगरपालिका खुला दिशा मुक्त क्षेत्र घोषणा

अजय मिश्र, कृष्णनगर, कपिलवस्तु भाद्र २९ कृष्णनगर नगरपालिका एक कार्यक्रमका बिच खुला दिशा मुक्त क्षेेत्र घ

जय गणेश मिडिया प्रा.लि. धनगढीमाई–५, सिरहा द्वारा संचालित

हाम्रो टिम

प्रवन्धक निर्देशक

सन्तोष कुमार साह


प्रधान सम्पादक

हिरा लाल चौधरी


सम्पादक

श्याम सुन्दर साह

 

बिशेष सम्वाददाता

गणेश कुमार ठाकुर

नरेश चन्द्र बरबरिया


विज्ञापनको लागी

महेश प्रसाद चौधरी

सम्पर्क

धनगढीमाई–५, सिरहा, नेपाल

९८०१५१३००४, ९८५२८३३२०४

संस्था दर्ता नं.

सूचना विभाग दर्ता नं. ८८८/२०७५/०७६

प्रेस काउन्सिल दर्ता नं.: २२११/२०७४/०७५

कम्पनी दर्ता नं.: १५११५३/२०७२/०७३

पना नं.: ६०४२७८२५२